گئجه گؤزلومگئجه گؤزلرینه دالدیغیم گئجه،اوره ییم گؤزومدن یئره چیلندی.یئرده ال آچاراق دلیجه سینه،گئجه…
انتشار: 2026/08/10 19:05 UTCدریافت: 2026/08/14 09:46 UTCآخرین مشاهده: 2026/08/14 09:46 UTC
گئجه گؤزلومگئجه گؤزلرینه دالدیغیم گئجه،اوره ییم گؤزومدن یئره چیلندی.یئرده ال آچاراق دلیجه سینه،گئجه گؤزلریندن سنی دیلندی.سنی گؤزلریمله ایچمک ایسته دیم،کیپریییم جالاندی ایچه بیلمه دیم.گؤزوم گول اوزونه تیکیلن کیمی،گونش سن، نه سن می؟ سئچه بیلمه دیم.چیله نن اوره ییم سنه سوروندو،گؤزون گؤزلریمه شن باخان کیمی.گؤی ده آی اوتانیب بولود بوروندو،گئجه گؤزلرینله سن باخان کیمی.سن گولومسر کئچیب هئچ نه دئمه دن،گؤزونو- گؤزومدن قوپارا بیلدین.هر کیپریک چالدیقدا دلی کؤنلومو،سوپوروب اؤزونله آپارا بیلدین.من سنه سئویرم دئیه بیلمه دیم،او گئجه سن، منی اؤزومدن آلدین.سوزولوب، سوزدوردون گئجه گؤزلرین،شیمشک باخیشینلا قلبیمی چالدین.گئجه گؤزلرینه دالماق ایسته دیم،سئوگی تارلامیزا چن باخان کیمی.دونیا گؤزلریندن اینانماییرام،بیری سنه باخا، من باخان کیمی.سن گئتدین، دان سؤکدو گئجه ساچیمی،ساچیم گونوزله دی، سن قاییتمادین.یاریمچیق یاشادیم، سنسیز یاشامی،آی منی ایزله دی، سن قاییتمادین.او گئجه سن گئتدین، سحر آچمادی،گونش دالدالاندی، من گونوزله دیم.کؤنلوم گؤزلرینی دیله نن یئرده،ایزینه تیکیلیب، سنی ایزله دیم.دئدیم گونش دوغار گئجه گؤزلومو،گئجه گؤزلریندن دیله نه بیللم.بیر داملا یاش اولوب، بلکه بو دؤنه،آیاغی آلتینا چیله نه بیللم.سن گئتدین نه یازیق بیله بیلمه دین،گئدیشین کؤنلومه، آه! نه لر ائتدی.من سنی یاشادیم، یاشلی گؤزومده،گئجه گؤزلریمده یوخویا گئتدی.گؤزوم گؤزلریندن، سنی گؤزله دی،هرآخشام- هرآخشام گؤروش آخشامی.سن گلیب چیخمادین، من اونوتمادیم،هامی دلی ساندی، دلی«خوشنامی».م. خوشنام🕊📚 @kurabazag #کوراباز_ادبی_گونش ✍
تاریخچه بازدید مشاهدهشده
حدود 0 بازدید تازه در ساعت در این نمونهپستهای تلگرام — کوراباز ادبی گونش📚
بیر گۆن بیر تۆلکونون قویروغو کَئسیلیب قوپور . . .سۆرونون باشقا تۆلکولَری سوروشورلار قویروغونا نه اولدو؟تۆلکو حیلهچی بیر سؤیدان اولدوغو اۆچون دِئدی :اؤزوم قوپارتدیم!دِئدیلَر : نیه؟بوجورکی چوخ پیسگؤرونور!تۆلکو دِئدی: یوخ! ایندی آزاد اولموشام و چوخ یۆنگوللَشمیشم.سانکی اوچورام!بیر ساده تۆلکو اونا باخیب گِئدیب قویروغون کَئسدی!آغریسینا دؤزه بیلمهدیگی اۆچون تۆلکونون یانینا گِئدیب و دِئدی :قارداش سَن دِئییردین یۆنگول و راحات اولموشام آمّا مَنیم آغریم چوخدور بو نه ایشدیر؟تۆلکو دِئدی: سَسین چیخارتما، يوخسا باشقا تۆلکولر بۆتون گۆن بیزی لاغا قویوب گۆلَرلر، هر آن سِئوینَن و ایفتیخار اِئدَن کیمی گؤرون.بوجورلوقلا ساییمیز چوخالار.یوخسا اؤلَنه کیمین هاممی بیزی لاغا قویاجاق!بِئلهلیکله قویروغو کَئسیلمیش تۆلکولَرین ساییسی چوخالدی و قویروغو اولان تۆلکولَری لاغا قویدولار!بیر توپلومدا دا آلچاق و اَخلاقسیز آدام چوخ اولاندا اخلاقلی و شَرَفلی اینسانلاری لاغا قویوب اونلارا گۆلَرلَر!👤ابومنصور موفق بن علی الهروی🕊📚 @kurabazag #کوراباز_ادبی_گونش ✍
Sensiz Yaşanmaz🕊📚 @kurabazag #کوراباز_ادبی_گونش ✍
بیلمم منی نَچون آتمیش - اونوتموش ،جؤور - جفاسینا قوربان اولدوغومیوخسا اؤزگه سینه اوزونو توتموشیئنی سئوداسینا قوربان اولدوغوم .من دیلبری سوردوم گلیب - گئدن دندئدیلر باریشماز کوسموشدور سندنمن التفات ائتدیم او قاچدی مندنقاچقین اَداسینا قوربان اولدوغوم .او منیم سئوگیلیم ، او منیم سونام ،اونسوز اوزوم گولمز ، آچیلماز آینام بیلمم هاردا قالدی او نازلی دورناماو خوش صداسینا قوربان اولدوغوم .آیریلیق اودونا کؤنول دایانماز ،عشق اودونا یانان بیر داها یانمازچکدیییم ناله دن نه اوچون اویانمازشیرین رویاسینا قوربان اولدوغوم . ✍🏼 میکاییل مشفیق🕊📚 @kurabazag #کوراباز_ادبی_گونش ✍
یورا بیلمز یوللار منیگاه آراندا، گاه داغدایامگاه چمنده، گاه باغدایامیاخیندایام، اوزاقدایامیورا بیلمز یوللار منیگاه باهار، گاه قارلی قیشامبو حیاتدان دویمامیشامسفردهیم سحر، آخشامیورا بیلمز یوللار منیگاه آنالار آنام اولارگاه بولاقلار لایلام اولاراو لایلالار دونیام اولاریورا بیلمز یوللار منیگاه اومیدیم چیچکلهنرگاه بیر گونوم ایله دؤنرحیات دنیز، قالخار، ائنریورا بیلمز یوللار منیگاه بولود تک دولار کؤنلومگاه تک- تنها قالار کؤنلومگاه بلدچی اولار کؤنلومیورا بیلمز یوللار منیگاه قوشلارلا یاریشارامگاه سئللره قاریشارامدره ائنیب، داغ آشارامیورا بیلمز یوللار منینغمه دولو بیر اورهیمگاه جوشغونام، گاه کؤورهیمبیر اومودلو گلهجهیمیورا بیلمز یوللار منیبابام قورقودون سازییامننهم تومروسون قیزییامزامان- زامان یاناسییامیورا بیلمز یوللار منیائل آرخامدیر دار آیاقدابیر معنا وار یاشاماقدادوغولدوغوم بو تورپاقدایورا بیلمز یوللار منیگاه دؤنهرم سؤنمز اوداآرزوم دنیز، من بیر آداآند ایچیرم بو حیاتایورا بیلمز یوللار منی✍مدینه_گولگون🕊📚 @kurabazag #کوراباز_ادبی_گونش ✍
▫️«یازیق اوشاق، سنین موطلق سیلاحین اولاجاق، لاکین بو سیلاح سنه خوشبختلیک گتیرهجکمی؟» دئیه دوشوندوم.📚 قفقاز سفریالکساندر_دوما🕊📚 @kurabazag #کوراباز_ادبی_گونش ✍
ایکی دوست آراسی قاریشان زامان،آرا قاریشدیریب قاتاندان اولما!بیر دوستو جان کیمی باغرینا باسیببیر دوستو یاد سانیب آتاندان اولما!چالیش اورکلرده قالانلاردان اول،سئوینجی اورهیه سالانلاردان اول، کدری اورکدن آلانلاردان اول،تیکانتک اورهیه باتاندان اولما!بوستانی تالاما باریندان اؤترو،اؤزونو سیندیرما قاریندان اؤترو!دونیانین ثروتی، واریندان اؤترو، شرفی، ویجدانی ساتاندان اولما!«آیریلماز!» عزراییل یاتیب کمینده،ضای ائتمه حیاتین غملی دمین ده!شریک اول ائلینین دردی، غمینده،غم یوکون بئللره چاتاندان اولما!آیریلماز ...🕊📚 @kurabazag #کوراباز_ادبی_گونش ✍