خبر گلر داها عؤمرون قیشیندان،سویویارسان ساچلارینا قار دوشر.آنجاق کؤهنه کیتابلارین ایچیندن،هردن-هرد…
انتشار: 2026/08/04 05:56 UTCدریافت: 2026/08/05 19:47 UTCآخرین مشاهده: 2026/08/05 19:47 UTC
خبر گلر داها عؤمرون قیشیندان،سویویارسان ساچلارینا قار دوشر.آنجاق کؤهنه کیتابلارین ایچیندن،هردن-هردن کؤهنه مکتوبلار دوشر…اییلرسن، گؤتوررسن گیزلیجه،بویلانارسان آرواد اوشاق گؤرمهسین،چکیلرسن اوتاغین بیر کونجونهگیزلی گیزلی اوخویارسان هر سؤزو…بو نه سئوگی مکتوبودو، ایلاهی،ایندییهجهن آغرییر هر سؤزو ده،.یازان قیزین نیدی آدی ،ایلاهی،یاددان چیخیب سیفتی ده اوزو ده…اوخودوقجا لال سطیرلر سسلنر،یاواش-یاواش سسی دوشر یادینا.بیر حرفدن- قاشی دوشر یادینا،بیر حرفدن گؤزو دوشر یادینا…او گؤزلردن یادیگار تک واراقدا،گؤز یاشینین لکهسینی گؤررسن.بیردن دونو خیشیلدایار اوتاقدا،پنجرهده کؤلگهسینی گؤررسن…دیکسینرسن،بویلانارسان قاپییا،«او کؤلگهنی آرواد اوشاق گؤردومو؟»،تئز مکتوبو آتارسان کول قابییا،یاندیرارسان هر سؤزونو سطرینی…سؤزلر یانار-کاغیذی دا یاندیرار،سؤزلر یانار-او قیزی دا یاندیرار.سؤزلر قاچار او آلووون ایچیندن،سن باخدیقجا- باسار سنی سویوق تر،سیرا-سیرا قارا قاریشقارالار تک،قاچیب گئدر قارا-قارا حرفلر…تکجه او قیز قاچا بیلمز بو اوددان.بیر قوش اولوب اوچا بیلمز بو اوددان.او قیز یانار او آلووون ایچینده،گؤیه قالخار او آلووون دیللری.او آلووون دیللرینه سارماشیب،یانار،یانار اوزون-اوزون تللری.یانار بیر واخت ساچلارینی اوخشایان،اوزون-اوزون بارماقلاری،اللری…او قیز یانار-ارشه چیخار توستوسو،کاغیذ یانار-کول قابیدا کوللنر.قفیل بیردن کول قابینین ایچیندنیئره دوشوب بیر اوزوک دیگیرلنر…لاپ اؤزونو ایتیررسن،باخارسان،او اوزویو گؤتوررسن-باخارسان،بو اوزویو آخی هاردا گؤرموسن؟بو اوزویو گؤرممیسن بلکه هئچ.سن او قیزا هاچان اوزوک وئرمیسن؟اونا اوزوک وئرمهمیسن بلکه هئچ…آروادین دا قفیل گیرر قاپیدان:-الیندهکی ندی؟-دئیر– اوزوکدو.– او اوزویو نه یاخشی کی،تاپمیسان،نئچه واختدی ایتیرمیشدیم،گزیردیم.سونرا گلر ،سندن آلار اوزویو،– بونون رنگی نیه بئله قارالیب؟بارماغینا گوجله سالار اوزویو،– ائله بیل کی،بیر بالاجا دارالیب…کولقابیدان توستو قالخار هلهده،او مکتوبون کولو هله ایشارار.ماددیم-ماددیم دوروب باخار آروادین،او توستودن بیر جوت گؤزو یاشارار…– هئچ اولماسا پنجرنی آچ،- دئیر.-بوردا نئجه اوتورموسان سن،نئجه؟بو نه یانیق قوخوسودو، ایلاهی،ائله بیل کی، آدام یانیب ایندیجه….#رامیز_روشن🕊📚 @kurabazag #کوراباز_ادبی_گونش ✍
تاریخچه بازدید مشاهدهشده
حدود 0 بازدید تازه در ساعت در این نمونهپستهای تلگرام — کوراباز ادبی گونش📚
بیر گۆن بیر تۆلکونون قویروغو کَئسیلیب قوپور . . .سۆرونون باشقا تۆلکولَری سوروشورلار قویروغونا نه اولدو؟تۆلکو حیلهچی بیر سؤیدان اولدوغو اۆچون دِئدی :اؤزوم قوپارتدیم!دِئدیلَر : نیه؟بوجورکی چوخ پیسگؤرونور!تۆلکو دِئدی: یوخ! ایندی آزاد اولموشام و چوخ یۆنگوللَشمیشم.سانکی اوچورام!بیر ساده تۆلکو اونا باخیب گِئدیب قویروغون کَئسدی!آغریسینا دؤزه بیلمهدیگی اۆچون تۆلکونون یانینا گِئدیب و دِئدی :قارداش سَن دِئییردین یۆنگول و راحات اولموشام آمّا مَنیم آغریم چوخدور بو نه ایشدیر؟تۆلکو دِئدی: سَسین چیخارتما، يوخسا باشقا تۆلکولر بۆتون گۆن بیزی لاغا قویوب گۆلَرلر، هر آن سِئوینَن و ایفتیخار اِئدَن کیمی گؤرون.بوجورلوقلا ساییمیز چوخالار.یوخسا اؤلَنه کیمین هاممی بیزی لاغا قویاجاق!بِئلهلیکله قویروغو کَئسیلمیش تۆلکولَرین ساییسی چوخالدی و قویروغو اولان تۆلکولَری لاغا قویدولار!بیر توپلومدا دا آلچاق و اَخلاقسیز آدام چوخ اولاندا اخلاقلی و شَرَفلی اینسانلاری لاغا قویوب اونلارا گۆلَرلَر!👤ابومنصور موفق بن علی الهروی🕊📚 @kurabazag #کوراباز_ادبی_گونش ✍
Sensiz Yaşanmaz🕊📚 @kurabazag #کوراباز_ادبی_گونش ✍
بیلمم منی نَچون آتمیش - اونوتموش ،جؤور - جفاسینا قوربان اولدوغومیوخسا اؤزگه سینه اوزونو توتموشیئنی سئوداسینا قوربان اولدوغوم .من دیلبری سوردوم گلیب - گئدن دندئدیلر باریشماز کوسموشدور سندنمن التفات ائتدیم او قاچدی مندنقاچقین اَداسینا قوربان اولدوغوم .او منیم سئوگیلیم ، او منیم سونام ،اونسوز اوزوم گولمز ، آچیلماز آینام بیلمم هاردا قالدی او نازلی دورناماو خوش صداسینا قوربان اولدوغوم .آیریلیق اودونا کؤنول دایانماز ،عشق اودونا یانان بیر داها یانمازچکدیییم ناله دن نه اوچون اویانمازشیرین رویاسینا قوربان اولدوغوم . ✍🏼 میکاییل مشفیق🕊📚 @kurabazag #کوراباز_ادبی_گونش ✍
یورا بیلمز یوللار منیگاه آراندا، گاه داغدایامگاه چمنده، گاه باغدایامیاخیندایام، اوزاقدایامیورا بیلمز یوللار منیگاه باهار، گاه قارلی قیشامبو حیاتدان دویمامیشامسفردهیم سحر، آخشامیورا بیلمز یوللار منیگاه آنالار آنام اولارگاه بولاقلار لایلام اولاراو لایلالار دونیام اولاریورا بیلمز یوللار منیگاه اومیدیم چیچکلهنرگاه بیر گونوم ایله دؤنرحیات دنیز، قالخار، ائنریورا بیلمز یوللار منیگاه بولود تک دولار کؤنلومگاه تک- تنها قالار کؤنلومگاه بلدچی اولار کؤنلومیورا بیلمز یوللار منیگاه قوشلارلا یاریشارامگاه سئللره قاریشارامدره ائنیب، داغ آشارامیورا بیلمز یوللار منینغمه دولو بیر اورهیمگاه جوشغونام، گاه کؤورهیمبیر اومودلو گلهجهیمیورا بیلمز یوللار منیبابام قورقودون سازییامننهم تومروسون قیزییامزامان- زامان یاناسییامیورا بیلمز یوللار منیائل آرخامدیر دار آیاقدابیر معنا وار یاشاماقدادوغولدوغوم بو تورپاقدایورا بیلمز یوللار منیگاه دؤنهرم سؤنمز اوداآرزوم دنیز، من بیر آداآند ایچیرم بو حیاتایورا بیلمز یوللار منی✍مدینه_گولگون🕊📚 @kurabazag #کوراباز_ادبی_گونش ✍
▫️«یازیق اوشاق، سنین موطلق سیلاحین اولاجاق، لاکین بو سیلاح سنه خوشبختلیک گتیرهجکمی؟» دئیه دوشوندوم.📚 قفقاز سفریالکساندر_دوما🕊📚 @kurabazag #کوراباز_ادبی_گونش ✍
ایکی دوست آراسی قاریشان زامان،آرا قاریشدیریب قاتاندان اولما!بیر دوستو جان کیمی باغرینا باسیببیر دوستو یاد سانیب آتاندان اولما!چالیش اورکلرده قالانلاردان اول،سئوینجی اورهیه سالانلاردان اول، کدری اورکدن آلانلاردان اول،تیکانتک اورهیه باتاندان اولما!بوستانی تالاما باریندان اؤترو،اؤزونو سیندیرما قاریندان اؤترو!دونیانین ثروتی، واریندان اؤترو، شرفی، ویجدانی ساتاندان اولما!«آیریلماز!» عزراییل یاتیب کمینده،ضای ائتمه حیاتین غملی دمین ده!شریک اول ائلینین دردی، غمینده،غم یوکون بئللره چاتاندان اولما!آیریلماز ...🕊📚 @kurabazag #کوراباز_ادبی_گونش ✍