▫️اؤیله مستم‌، بیلمزم کیم مئی نه‌دیر، مینا نه‌دیر،گول نه‌دیر، بولبول نه‌دیر، سونبول نه‌دیر، صحرا نه…

▫️اؤیله مستم‌، بیلمزم کیم مئی نه‌دیر، مینا نه‌دیر،گول نه‌دیر، بولبول نه‌دیر، سونبول نه‌دیر، صحرا نه‌دیر.اود توتوب جانیم سراسر یاندی، امّا بیلمه‌دیم:دل نه‌دیر، دلبر نه‌دیر، باشیمدا بو سئودا نه‌دیر.بیلمه‌دیم عؤمرومده هرگز کفر و ایمان هانسی‌دیر،احمد و محمود کیم‌دیر، موسیٖ و عیسیٰ نه‌دیر.شاهبازِ اوجِ وحدت، واحد و حیّ و قدیم،خالقِ ارض و سما، اول فرد و بی‌همتا نه‌دیر.تورَّهاتی قوی کناره، رقصه گل دیوانه‌وار،گل خرابات ایچره، گؤر بو شورش و غوغا نه‌دیر!دُردِ صافی گؤزله‌مک واختی دئییل، ساقی، آمان!شیشه وئر، پیمانه وئر، ساغر نه‌دیر، صهبا نه‌دیر؟!دور، گؤزون قوربانی‌یام، مستانه گل، رندانه وئر،چوخ دئمه جمشیددن، اسکندر و دارا نه‌دیر؟!شاهدِ خلوت‌نشینیم ائتدی رخسارین عیان،عاشقِ دیوانه، گل گؤر ظاهر و اِخفا نه‌دیر!یئتدی عؤمرون آخره، سن بیر «نباتی!» بیلمه‌دین،کیمدی بو گؤزدن باخان، یا دیلده بو گویا نه‌دیر.ابوالقاسم_نباتی🎙️ نوید مثمرنباتینین قبری آراز قیراغی اوشتبین کندینده دی