⭕️ زرنیشان خانێـمین چنلیبئله گلمهسی ✍️ کؤچۆرن: #شبنم_توحیدی بیرینجی بؤلۆم بلی، استاد دیلی موبارک…
انتشار: 2026/07/29 21:04 UTCدریافت: 2026/08/15 12:40 UTCآخرین مشاهده: 2026/08/15 12:40 UTC
⭕️ زرنیشان خانێـمین چنلیبئله گلمهسی ✍️ کؤچۆرن: #شبنم_توحیدی بیرینجی بؤلۆم بلی، استاد دیلی موبارک اوْلار. ایندی سیزه هاردان خبر وئریم، کیمدن خبر وئریم، چارداخلی چنلیبئلده قوْچ کوْراوغلودان. کوْراوغلونون کئفی کؤک، داماغێ چاغ ایدی. اوْغوللارێ ائیوازلا، حسن ساغ – سوْلوندا قوْلونا قوّت، دیزینه طاقت، گؤزۆنه اێشیق ایدی.حسن داغێستاندان گلندن سوْنرا ائله بیل چنلیبئلین زینتی بیره – بئش آرتمێشدی.حسن مشقلری أن چوْخ دمیرچیاوْغلو ایله ائدیردی. حسنین آت مینمهسی، یَـهرده شاهین کیمی اوْتورماسێ، توْپپوز ائندیرمهسی، کوْراوغلونو غرورلاندێریردی. کوْراوغلو، نیگار خانێملا مشقه باخێردی. مشقدن سوْنرا ائیوازلا حسن، نیگار خانێمین یانێنا گلدیلر. ایلک آنالارێـنا باش اڲدیلر، سوْنرا آتلارێنین قارشێسیندا امره منتظر دایاندێلار. کوْراوغلو عارف آدام ایدی. درحال ایشی باشا دۆشدو، نیگار خانێمین اۆزونه باخدێ. نیگار خانێم کوْراوغلونون غم دریاسێنا غرق اوْلدوغونو گؤرۆب، گؤزۆنو اطرافێـنا گزدیردی. جمعی چنلیبئل دلیلری اوْنلارێ ائله قوْمارالامێشدیلار کی، ائله بیل هامێ نیگار خانێمدان بیر "هه" جوابێ گؤزلهییرلر. نیگار خانێم الینی – الینه ووردو. دلیلرین نعرهسیندن یئر – گؤڲ لرزهیه دۆشدو. چنلیبئلده بیر مجلیس قورولدو کی، روزگارێن گؤزۆ هله بئله شادیانالێق گؤرمهمیشدی. دلی مئهتر دورآتێ، عربآتێ میدانا گتیردی. ائیوازلا، حسن آلتدان گئیینیب اۆستدن، اۆستدن گئیینیب آلتدان قێفیللاندیلار. ائیواز دورآتـێن، حسن عربآتـێن قانتارغێسینی برکیتدی. بیر گؤز قێرپیمیندا آیاقلارێنی اۆزنگییه قوْیوب، قێرغی کیمی یـهره اڲلشدیلر. مجلیسین دؤرهسینده گردیش ائدیب، کوْراوغلو ایله نیگار خانێمدان حلاللێق دیلهدیلر. نیگار خانێم اوْغوللارێنین سفرینه بیر سؤز دئمهسه ده، یاز بولودو کیمی دوْلموشدو. ایرهلی یئریدی، حلاللێق ائدیب، اجازه وئردی. دورآتلا، عربآت نیگار خانێمین سؤزۆنه بند ایمیش کیمی شیهه چکدیلر، داغیستانا یؤن آلدێلار. سَفرین اۆچونجو گۆنو شنلیک چێراقلارینی یاندێران واختێندا، جۆت قارداشلار آغقایانێن قارتالێ کیمی، دمیرقاپێ دربندده «عرب پاشا»نێن حیطینده آتـدان ائندیلر. «مؤمینه خانێم»ین اوْغلو حسن، گئدندن سوْنرا گؤزلرینین قوْراسێنی او قدر سێخمیشدی کی، جانێـندا جان، دیزینده طاقت قالمامێشدی. سارالێب ساپا، اینجهلیب ایـپه دؤنۆشموشدو. زیل قارانلێـقدا اوْغلونون سسینی تانێـسا دا، حیطده دایانانلاردان هانسێنین اوْغلو اوْلدوغونو آنشێـرا بیلمهدی. ائیوازی باغرێـنا باسێب، دوز کیمی یالادێ. دئدی:- دوْققوز آی، دوْققوز گۆن، دوْققوز ساعات، دوْققوز ثانیه عذاب اذیتـینی چکدیڲیم، یۆڲورویونون باشێنی کسدیڲیم دیرهڲـیم – دیلهڲـیم اوْغول، آدام دا آناسێنی گؤزۆ یاشلێ قوْیارمێ؟ سن گئدندن سوْنرا اختیار بابانێ، آتانێن دشمنلری اؤلدۆردولر. گؤزلریم سنی آختاردێ، اوْغول – اوْغول دئمکدن دیلیم دۆڲون باغلادێ. ائیوازلا، حسن، مؤمینه خانێمین قوْلونا گیریب ایچری کئچدیلر. مؤمینه خانێم، اوْغلونو چێراغین اێشیغیندا تانێدی. آنا – بالا یاز سارماشێغی کیمی بیر مدّت بیر بیرینه سارێشدیلار. گؤز گرک ایدی، بو صحنهنی اوْخشایێـب تماشا ائدهیدی. گئجهدن خیلی کئچندن سوْنرا ائیواز مطلبین اۆستونه گلدی. دئدی:- آناجان! آتا – آنامێز سنی چنلیبئلده جمعی دلیلرین، خانێملارین آغبیرچـڲی گؤرمک ایستهییرلر. اؤزۆن اۆچون نه عزیزدی خزینهدن گؤتۆر، اختیارێـندادی. صحبت اوزاندێ. ائیواز دوروب دورآتلا، عربآتێ یئملهدی. دان یئری سؤکۆلنده ائیوازلا، حسن یاتاقلارێنا اوزاندێلار. او یاتان اۆچ گون، اۆچ گئجه یاتدێلار. آیێلاندا گؤردۆلر کی، مؤمینه خانێم ائله دڲیشیب، گؤز ایستهییر تاماشا ائتسین! بو اۆچ گۆنده ائله بیل مؤمینه خانێمین بۆتون گنجلیڲینی اؤزۆنه قایتارمێشدیلار. رنگی یالاف – یالاف یانێر، آی خجالتیندن اۆزونو بۆروموش، گۆن اوتاندێغیندان بولودلارێن آرخاسێنا کئچمیشدی. زربافتلی قێرچین دوْن، مؤمینه خانێما ائله یاراشێردی کی، ائله بیل جمعی حوریلر اوْنون قارشێسیندا حسابا دوراجاقدێ. ائیوازلا، حسن توْققانێن آلتێنی برکیتدیلر. ائیواز دئدی:- آناجان! یوْلچو یوْلوندا گرک! وعدهیه ناخلفلیک ایڲیده یاراشماز. مؤمینه خانێم چکیده یۆنگول، وزنده آغێر خزینهدن نه وارسا یۆکونو توتوب، قاطێرلارا یۆک ووردوردو. مال ساغێنی واختی قاطێرلار، «عرب پاشا»نێن منزیلیندن قالخدێ. حسن اوشاقلێق دوْستو، دمیرقاپێ دربندده ایڲیدلیکده، سخاوتده آد قازانان یـهر اوستاسێ فتحعلینی چاغێرتدی. دمیرقاپێ دربندین خانلێغینی اوْنا حواله ائدیب، جماعتین دوْلانێشیغینی اوْنا تاپشێردی. #آردێ_گلن_سایێدا... @SancaqDergisihttps://t.me/Sancaq_media/8313
تاریخچه بازدید مشاهدهشده
حدود 0 بازدید تازه در ساعت در این نمونهپستهای تلگرام — 🌿@Bizimdil🌿M.Dalğa
«یوخو»قاپلی باغلی،پنجره باغلیدیل باغلی.من اؤزومو دووارلارا چالیرام!یادیمدادیر،بیر گئجه من یوخومدا، بیر قوش گؤردوم اوچدو کئچدی دوواردانقاناد چالدی، قاچدی، گئتدی دورمادییورولمادی، آغلامادی، قالمادی...آماگینه، باغلی قالدیقارا قاپی، پنجرهدووارلارین دالینداکی حنجره.من یوخو گؤردوم بیر گئجهسئویندیم،بئله بیلدیم اللریمدن توتان وارمنله گلیب، باغچالارا قاجان وار.قاچارقان او دلی یئللر گلندهداغلار سسه دوشوب،مئشه گولندنکوراوغلونا، نیگار کؤنول وئرندهاللریمی سالیم یارین بوینوناباغلی قاپی، پنجرهلر آچیلسینشیرین دیلیم،عاشیقلارین سازینداداریخماسین، گوله -گوله چالیسین.کاش یوخولار شیرین - شیرین بیتئیدیگؤزلریمدن،قارا دووار ایتئیدی...✍🏻 #محمود_بنیآدم(دالغا)#بیزیم_دیل👉🏻 @bizimdil 💫💫💫💫
"وطن"بالتادیر، دهره دیر، اوراق دیر، سنسن!شپهدیر، قیروو دور، سازاق دیر، سنسن!یاشیلدیر گؤزلرین ساری مئشهده دوغرانان ساچلار دیر، داراق دیر، سنسن!داغلار دیر، یوللار دیر، اوزاق دیر، سنسن!دیلک دیر، اورک دیر، واراق دیر، سنسن!سؤزلریم قورخودان قارا گئیینیبگئجه دیر، اولدوز دور،سایاق دیر، سنسن!!!#ماحمود_دالغا#بیزیم_دیل👉🏻 @bizimdil 💫💫💫💫
پازلیارانیش تسبئحی قیریلدی او گونقوجا تانرینین شاشقین گوزلری اؤنوندهقیریقلاریم سپه لَندی پَرَم-پَرَم؛داغلارا،دره لره،دنیزلره....اوزون ایللردیر اوچورام دَلی کولکلرین قانادیندایوردسیز،یووواسیزتوپلایا بیلمیرم قیریقلاریمیایپه،ساپا چکمک اوچون اؤزوموشعره دولورام،شعر یازیرامقیریقلاریمی توپلاییرام واراقلاراپناهلانیرام کیتابلاراقینامایین وورغونام دنیز خویلو آداملارا قیریقلاریمی آختاریرام دلی سوو دالغالاریندایووووخ اولا بیلمهییر اولماییر...اولماییر...تاپیلماییر قطعه لریمتاماملاشمیر بو یاریمچیق پازلسانکی عؤمور بویو یاریجان؛ باش یازیم دیر اوچماق؛سَفیل-سرگردانقاچیرام... قاچیرام...چاتانمیرام اؤزومهاوچورام پارام- پارچا؛یالقیز-یالقیزایکینجی آدیم "پاییز".#سحر_خیاویhttps://t.me/secilmiseirler
✍️ M.Zamacois ✍️ م. زاماگویس⭕️ منیم لهجهم🔷 فرانسیزجادان چئویرن: #سوسن_نوادهرضیلهجهسی اوْلمایان آداما، آنجاق یازێغیم گلیر!اؤز ائلینین لهجهسینی اؤزۆنله داشێماق،اؤز توْپراغێندان بیر آزجاسێنی، باشماقلارێندا داشێماق کیمیدیر.اؤز «بریتانی»یادا «اوْوئرنی» لهجهن ایله دانێشماقبیر آز قورو یئرلریندن یا داغێندان یانێنجا داشێماق کیمیدیر.وطندن اوزاق ایکن، قایغێلار ایچینده باش آلێب قاچان زمانلهجهن؛ بیرآز وطندیر، گلیر آرخانجا سنین...سنین لهجهن، گؤز ایله گؤرۆنمهسه ده، بؤیۆك سفرلردهداشێدیغین بیر آز گۆوَنجین، بیرآز دا قێوانجیندیر سنین.جلای وطن زوْروندا قالان قارابختلر اۆچونیابانجێ سؤزلری بوْیایان دا، آغێزدیر، لهجهدیرسوْنوندا، لهجهسی اوْلماق، اوْنو ایشلتدیکجههر ندن دانێشسان بیله، وطندن بیر نغمهدیر سانکی. 🔶 من هیچ اوتانمیرام اؤز دۆزگون لهجهمدن!ایستیرم طنطنهلی اوْلسون، هم ده آیدێن و گۆرولتولو.ایستیرم، لهجهمی ائشیدنده خُلقوم - خویوم دڲیشمهدن هم باش اوجا دایانام، هم ده وقارلێ و غرورلو!@SancaqDergisihttps://t.me/Sancaq_media/8345
💢💢💢#بادام_آغاجیسئودیم سنی، باهار گونو باغیمیزدا. آغاجلار گولدولر، چیچکلر آغ دونلارینی سنه وئردیلر، آغاردی گونلریمیز، بختور اولدوق. قیسقاندیلار، مئشهلره قارا دوْنوز دولدو قوشلار اوچدولار، قارقالار بیزیم یاشیل باغلاری قارقیدیلار بادام آغاجینین بوداغیندا، بیر جوت گؤیرچین قالدی! آغ دونلاری اللرینده. سن آغلادین! منیم سینهمه قان دامدی کیمسه بیزی تانیمادی، بیز یانلیز گؤیرچینلر کیمین بوینوموز چینیمیزده قالدی. یانلیز گلدیک، ایکیمیز، سن ـ من گئجهنین گؤزوندن ایراق بادام آغاجینین دیبینده آرزولاریمیزی اکدیک سن آغلادین، منیم اورهییمه قان دامدی بیزیم آغ گونلریمیز بختور گونلریمیز گؤیَرهجکلر باغچانین ایچینده سنسیز، منسیز قارقالار مئشهدن، باغدان گئدهجکلر قارا دونوزلاردا. بادام آغاجی گینهده گول آچاجاق بیر جوت گؤیرچین قانادلاریندا بیزیم آدیمیزی یازاجاق. گینه ده آنام سنه ـ منه آغ دون توخویاجاققابار بارماقلاریندا. بادام آغاجی باغیمیزدا باهار گونو چیچکلرینی پایلاشاجاق. بیریسی «ساعات قاباغیندا» دار آغاجیندان آچیلاجاق اللریمیزی آچاجاق! بارماقلاریمیز بیر ـ بیر قیزاراجاق «امامیه» باشیندا بیریسی باغیراجاق - بیز قورخوروق، اولسون، یولا دوشسک هامی قورخولاریمیز بیتهجک. سئویرم سنی، باهار گونو پاییز گونو، قیش گونو،آرزولاریمین سویوقلوغونا باخمااورهییمده تونقال قالامیشامساباحکی گونهگونه باخان کیمی دنهلریمگونشلنهجک.باغیمیزدا سئرچهلر یووا قوراجاقبالا قویاجاق. ✍#محمود_بنیآدم (دالغا)#ایمگهلر_کانالی t.me/secilmiseirler%E2%9C%94%EF%B8%8F%E2%…
📕چنگیزخان(ساختن دنیای مدرن)✍🏻 #جک_وِدِرفورد«مغولان در مقام مقایسه با ملایمت بیشتری به دنیای فتح شدهی خود قدم گذاشتند.آنها سبک معماری خاصی با خود نیاوردند، در پی تحمیل زبان و دین خود به مردم مغلوب هم نیامدند، حتی در بیشتر مواردغیر مغولان را از یادگیری زبان مغولی منع میکردند. مغولان مردم را وادار به کشت محصول بیگانه نکردند و تغییر بنیادین در شیوهی عمومی اتباع خود ندادند..»#بیزیم_دیل👉🏻 @bizimdil 💫💫💫💫